Shivaji and Muslim Artcle By Shahjahan Magdum

Read More

جماعت اسلامی ہند کی مجلس نمائندگان کا انتخاب

جماعت اسلامی ہند کا نظام شورائی ہے۔ تنظیمی لحاظ سے یہ نظام مرکزی، حلقہ وار اور مقامی سطحوں پر مشتمل ہوتا ہے۔ مرکزی نظام چار اجزاء (1) مجلس نمائندگان (2) امیر جماعت (3) مرکزی مجلس شوریٰ (4) قیم جماعت پر مبنی ہوتا ہے۔ مجلس نمائندگان کا انتخاب ملک کے تمام ارکان جماعت کرتے ہیں۔ مجلس نمائندگان کی مدت کارکردگی 4 سال کی ہوتی ہے۔ مجلس نمائندگان کے اختیارات میں امیر جماعت کا انتخاب اور معزولی، امیر جماعت کے استعفیٰ کے بابت فیصلہ، مرکزی مجلس شوریٰ یا اس کے کسی رکن کا انتخاب اور معزولی، امیر جماعت اور مرکزی مجلس شوریٰ کے درمیان اختلافی امور کے بابت فیصلہ، دستور جماعت میں ترمیم سے متعلق مرکزی مجلس شوریٰ کی سفارشوں اور مجلس نمائندگان یا امیر جماعت کی تجاویز پر غور و فیصلہ اور میقاتی پروگرام کی روشنی میں کاموں کا جائزہ جیسے امور شامل ہیں۔
مجلس نمائندگان کا انتخاب علاقائی اور غیر علاقائی بنیاد پر ہوتا ہے۔ غیر علاقائی بنیاد پر پورے ملک سے 15 اور ریاستوں یعنی علاقائی بنیاد پر 129 ؍اس طرح 144؍ارکان منتخب کیے جاتے ہیں۔ الحمدللہ غیر علاقائی و علاقائی بنیادوں پر انتخابات عمل میں آچکے ہیں۔ حلقہ مہاراشٹر کے ارکان جماعت نے علاقائی بنیاد پر میقات یکم اپریل 2015ء ؁ تا 31؍مارچ2019ء ؁ کی مجلس نمائندگان کے لیے اپنی آراء مرکز جماعت دہلی کو روانہ کی تھی چنانچہ کثرت آراء کی بنیاد پر مجلس نمائندگان کے لیے حلقہ مہاراشٹر سے جو افراد منتخب قرار پائے ہیں ان کی فہرست درج ذیل ہے:
(1) جناب توفیق اسلم خان (دفترحلقہ ممبئی) (2) جناب جاوید مکرم صدیقی (اورنگ آباد) (3) جناب شیخ متین (دفترحلقہ ممبئی) (4) جناب سید عزیز محی الدین (پونہ) (5) جناب رضوان الرحمن خان (ناگپور) (6) جناب محمد الیاس فلاحی (اورنگ آباد) (7) جناب محمد سمیع (جل گاؤں) (8) جناب مجتبیٰ فاروق (اورنگ آباد) (9) جناب محمد عبدالجلیل (ناندیڑ) (10) جناب محمد اسلم غازی (کرلا، ممبئی) (11) جناب انصاری محمد ظفر (ممبرا) (12) جناب سید ضمیر قادری (پربھنی) (13) جناب شیخ اظہر علی وارثی (پونہ) (14) جناب عبید الٰہی خان (پربھنی) (15) محترمہ عطیہ صدیقہ (ناندیڑ) (16) محترمہ منیرہ خانم (پونہ) (17) محترمہ بشریٰ ناہید (کرلا، ممبئی)
واضح ہو کہ دستور جماعت کے مطابق جماعت اسلامی ہند کے امیر اور مرکزی مجلس شوریٰ کے انتخاب کے سلسلے میں مجلس نمائندگان کا پانچ روزہ اجلاس یکم تا 5؍اپریل 2015ء ؁ کو مرکز جماعت دہلی میں منعقد ہورہا ہے۔
جاری کردہ : شیخ متین  سکریٹری جماعت اسلامی ہند حلقہ مہاراشٹر

Read More

Islam for All

Read More

ہم مذہب نہیں، دلوں کو بدلنے نکلے ہیں، تاکہ ملک میں خوشگوار فضا قائم ہو:توفیق اسلم خان

ممبئی-گزشتہ روز  سنیچر  ٣  جنوری ٢٠١٥ء کوجماعت اسلامی ہند ، مہاراشٹر کی جانب سے  "اسلام سب کے لئے "  نام سے ایک ریاست گیردس روزہ   دعوتی مہم  کی شروعات  جوگیشوری کے جلسہ ہال  میں  ملک کے نامور  دانشواران علماء دین  اور   ہزاروں سامعین  کی موجودگی  میں  ہوئی- غور طلب ہے کہ  یہ دعوتی مہم آئندہ  ٩ جنوری  ٢٠١٥ء  سے شروع ہو کر  ١٨ جنوری  ٢٠١٥ء  تک چلےگی – اس مہم  کی لانچنگ  تقریب سے خطاب کرتے ہوئے جماعت اسلامی ہند ، مہاراشٹر   کے   امیر  توفیق اسلم خان نے اس مہم کے مقصد  کو   بیان کرتے ہوئے بتایا کہ"  اسلام سب کے لئے " مہم  کا مقصد  برادران وطن  کا مذہب  بدلوانا نہیں بلکہ ہم  انکے  دل و دماغ  میں  گھر کر چکی  اسلام و مسلمانوں کے متعلق  غلط فہمیوں کو دور کر کے  ملک میں ایک پر امن ماحول بنانا  چاہتے  ہیں ، جہاں  تمام لوگ امن و سکون کے ساتھ زندگی بسر کر سکیں –آج یہ خواہش ہر ہندوستانی کی ہے-   

سب لوگ  امن چاہتے  ہیں- مگر  یہ اس وقت تک ممکن نہیں جب تک اسلام کی  صحیح تعلیمات سے ملک کی اکثریت  واقف نہ ہو   اور  میں سمجھتا ہوں کہ’  اسلام  سب کے لئے‘  مہم برادران وطن  کے درمیان  پھیلی غلط فہمیوں کو دور کر کے  دلوں کو  بدلنے کا کام کریگی- اس موقع پر   قتل جنین ، جنسی ہراسانی و استحصال  اور بدعنوانی  پر  ایک مختصر فلم  کی نمائش کی گئی –اس فلم کی نمائش  کے ذریعہ جماعت اسلامی ہند نے  سماج میں پھیلی برائیوں  کے خلاف لڑنے  کے اپنے عزم  کو دوہرایا  اور ساتھ ہی  تمام سماجی مسائل کا اسلامی حل پیش کرنے کی کوشش بھی کی- اسکے  علاوہ   اسلام سب کے لئے، قرآن سب کے لئے و  محمّد ﷺ  سب کے لئے  نام سے تین اینڈرائڈ   موبائل   اپپس  بھی لانچ کیا گیا- اس  اجتماع کو خطاب کرتے ہوئے  ارون گاؤڈے  پاٹل،  سابق صدر مراٹھا سیوا  سنگھ  نے کہا  کہ   ‘میں  قرآن کی تعلیمات  سے  بہت متاثر  ہوں  اور دل کی گہرائیوں سے چاہتا ہوں  کہ  مسلمان اس کے پیغام کو  تمام عالم انسانیت  تک  پہنچانے    کاکام انجام  دیں’ انہوں نےمزیدکہا  کہ‘  ا ن تعلیمات کو مکمل  طور پر اپنایا جائے تو  جس طرح  اس نے  ١٤٠٠ سال پہلےعرب معاشرےمیں  پھیلی تمام سماجی برائیوں   کاخاتمہ   کرنے میں کامیابی  حاصل  کی   تھی ، اسی طرح آج بھی  درپیش تمام مسائل  کو  ختم کرنے میں کامیابی مل سکتی ہے’ -  بی ایم  ہردیکر ، کولہا پور  یونیورسٹی  نے  حضرت محمّد  کے  نسل پرستی مخالف  پالیسی  کی تعریف کرتے ہوئے کہا  کہ‘ اسلام     تمام  انسانوں کو  انکے   حقوق  فراہم کرنے کا واحد ذریعہ  ہے  اور  آج   دنیا کے موجودہ  مسائل  کو  اسلامی  تعلیمات اپنا کرہی  حل کیا جا سکتا ہے- لہٰذا  اس بات کی شدیدضرورت ہے کہ    اسلامی تعلیمات  کو دنیا کے سامنے  پیش کیا جائے’-

یہ  ایک شاندارتقریب  رہی جس میں  حسن اتفاق سے مختلف مسالک   کے علماۓ دین ایک اسٹیج پر نظر آئے  اور  شیعہ ،سنی و اہل  حدیث وغیرہ  تمام مکتبہ فکر  کے  علماۓ دین  جن میں  مولاناخلیل  الرحمن سجاد نعمانی  ، حافظ جمیل احمد،شیعہ عالم سیدظہیر  عباس رضوی  ، مولانا محمود احمد طاہر القادری اور مولانا عبد الحمید ازہری  شامل تھے ، علمائے دین نے  جماعت اسلامی  ہند کے اس مہم کی  حمایت کرتے ہوئے کہا  کہ اسلام کے  آفاقی پیغام کوتمام انسانیت تک پہنچانا مسلمانوں کی بنیادی ذمہ داری  ہےاور یہ   وقت کی اہم ضرورت بھی ہے-.

محمّد جعفر  ، قومی  نائب  امیر جماعت اسلامی  ہند  نے صدارتی خطاب میں   سماج میں پھیلی  مختلف  بیماریوں و   مسائل کیطرف اشارہ کرتے ہوئے  بتایا کہ اسلام ان میں سے ہر ایک کے لئے حل فراہم کرتا ہے اور انہوں نے تمام  مسلمانوں سے  دعوتی  کام کو اپنے زندگی کا مشن بنانے  کی اپیل بھی کی-

Read More

جماعت اسلامی ہند، مہاراشٹرکی " اسلام سب کے لئے" دس روزہ ریاست گیر مہم ۹ جنوری ۲۰۱۵ تا ۱۸ جنوری ۲۰۱۵

جماعت اسلامی ہند، مہاراشٹر آئندہ ۹جنوری  ۲۰۱۵ تا  ۱۸جنوری  ۲۰اپنے چار سالہ میقات کے منصوبہ بند سرگرمیوں کے تحت " اسلام سب کے لئے"

 دس روزہ ریاست گیر مہم شروع کرنے جا رہی ہے۔ اس مہم کا مقصد امن، مساوات،آزادی،بھائی چارہ، فرقہ وارانہ ہم آہنگی،سماجی و اقتصادی انصاف کے اسلامی تعلیمات کو پیش کرنے کے ساتھ ساتھ اسلام کو مکمل ضابطہ حیات کی شکل میں پیش کرنا ہے، جو دنیا و آخرت دونوں جگہ کامیابی کی ضمانت دیتا ہے۔

جماعت نے برادران وطن کے سامنے اسلام پیش کرنے اور لوگوں کے ذہن سے اسلام کے متعلق غلط فہمیوں کے ازا لہ کی غرض سے پہلے بھی  اسی طرح کی مہم" قران سب کے لئے "   اور  "پیغمبر محمد ؐ سب کے لئے" کا انعقاد کر چکی ہے۔ جماعت نے حال ہی میں انسان و جامع ترقی کے حق میں  "ملک/  مہا راشٹر کی ترقی انصاف و خیر سگالی "  مہم کے ذریعہ رائے عامہ تیار کرنے کا کام انجام دیا ہے۔

بھارت فی الحال غربت، بیروزگاری، خواتین مخالف جرائم، کسانوں کی خود کشی، اقلیت اور کمزوروپسماندہ طبقات کے ساتھ امتیازی سلوک، فرقہ واریت، صنفی عدم مساوات،معاشی سامراجیت اور بدعنوانی جیسے متعدد مسائل کا حکومت و انتظامیہ کے سطح پر سامنا کر رہی ہے۔ اسلام ان تمام مسائل کا جامع حل پیش کرتا ہے، جو ہمارے ملک کے سامنے موجودہے۔  ہم  اسلامی اصولوں پر مبنی ایک متبادل نظریہ دنیا کے سامنے  پیش کرنہ چاہتے ہیں ، جس میں انسان خود کو اپنے خالق و رازق کو  مکمل طور پر سونپدیتا  ہے   اور آخرت کی جوابدہی پر ایمان لاتا ہے۔

"اسلام سب کے لئے"  کا چنداہم مقاصد  مندرجہ ذیل ہیں :

۱۔ برادران وطن کے ساتھ بہتر انسانی رشتوں کا قیام و فروغ

۲۔انہیں پیغمبر اسلام حضرت محمدؐ کی حیات طیبہ، رسالت و حصول زندگی اور انکے دنیا پر احسانات سے متعارف کرانا۔یہ مختلف حلقوں میں نبی ؐ کی شخصیت کے متعلق پھیلی غلط فہمیوں کو دور کریگی۔

۳۔اتحاد بنی نوع انسان، انسانی وقار و مساوات کے اسلامی تعلیمات کی وضاحت کرنا۔ اس حقیقت کو دنیا کے سامنے پیش کرنا کہ اسلام کبھی بھی زبردستی کسی پر اپنے عقیدے کو مسلط نہیں کرتاہے۔

۴۔دین اسلام صرف مسلمانوں کے لئے نہیں ہے بلکہ یہ تمام بنی نوع انسان کیلئے ایک مکمل ضابطہ حیات ہے۔

۵۔ ملک کو در پیش مختلف سنگین سماجی و معاشی مسائل کا اسلامی حل و علاج   پیش کرنا۔

۶۔ اسلام متعلق مختلف غلط فہمیوں کا ازالہ۔

۷۔ مسلمانوں کی اسلام کے پیغام کی ترویج و اشاعت کے ساتھ ساتھ ملک میں مثالی شہری بننے کی عظیم ذمہ داریوں  کی یاد دہانی۔

ریاست میں تقریبا تین کڑور لوگوں تک ا سلام سب کے لئے کا پیغام لیکر پہنچنے کی غرض سے مندرجہ ذیل منصوبہ بندی کی گئی ہے:

١۔اسلام کے تعارف کیلئے نئی ادبیات اسلامی کی اشاعت

٢۔ مہم کے موضوع پر دستی اشتہارات،فولڈرز،بینرز،اسٹیکرز و ہورڈنگز کی اشاعت

٣۔ براہ راست انفرادی و گروپ رابطہ کیلئے سیمینار،سمپوزیم و عوامی میٹنگ کا انقاد

٤۔ مہم کے مواصلات پیغام کی غرض سے ٹوئٹر، فیسبک، یو ٹیوب جیسے سوشل میڈیا اور ٹی وی،ریڈیو و اخبارات جیسے ذرائع ابلاغ کا استعمال

مندرجہ بالا کے علاوہ اسلام سب کے لئے مہم بلڈ ڈونیشن کیمپس کے انعقاد کے ساتھ ساتھ جیل،اولڈ ایج ھوم و ہسپتال کے دورہ کا بھی انعقاد کریگی۔

اس مہم کی خاص بات "گروپ وفد" ہوگی جو ریاست ممبئی و کوکن، پونہ،نانڈیڈ،اورنگ آباد، ناسک، امراوتی اور ناگ پور جیسے مختلف علاقوں کا دورہ کریگی۔ ان گروپ وفود میں ڈاکٹر رام پنیانی، بی ایم ھردیکر،پروفیسر ارون گاڈوے، پوپٹ راو پوار،مولانا محمود دریابادی، حافظ ندیم صدیقی،مفتی خلیل الرحمن،مولانا سجاد نعمانی اور سید ظہیر عباس رضوی وغیرہ شامل ہونگے۔

اس موقع پر جماعت نے انڈرائڈ موبائل فون کے لئے موبائل اپپس، ایک ٹال فری ہیلپ لائن نمبر 18002000787 اور اپنی ویب سائٹ wwww.islamdarshan.org لانچ کیا ہے۔

اضافی معلومات : 

ویب سائٹ: www.jihmaharashtra.org

فیس بک:  www.facebook.com/jihmh

ٹوئٹر: @jihmaharashtra

یو ٹیوب: wwww.youtube.com/jihmaharashtr

وھاٹ ایپپس: 9022713636 سے حاصل  کی جا سکتی ہیں ۔

Read More